Хумторкъали районда волейболдан турнир оьтгерилген

24 февраля 2021 в 20:29 96
Ватанны якълавчусуну гюнюне байлавлу болуп, Хумторкъали районда волейбол оюндан турнир оьтгерилген. Ярышлар Алмалы юртда юртну ёлбашчысы Зайнутдин Гебековну гьаракатлыгъы булан оьтген ва онда районну юртларындан гелген 15 команда ортакъчылыкъ этген.

Бизге билдирген кюйде, гючлю тогъа тартывланы барышында биринчи ерге Янгы Тёбе юртну командасы ес болгъан. Олар финал оюнда ерли Алмалы командадан уьстюн гелген. Уьчюнчю ерни буса Эсги Тёбени командасы алгъан.

«Ватанны якълавчусуну гюнюн спорт булан машгъуллукъда оьтгермек -- оьсюп гелеген яш наслу учун лап да герекли чара», -- дей, шо гьакъда айта туруп, Хумторкъали район администрацияны маданиятны ва яшёрюмлени сиясатына къарайгъан управлениесини ёлбашчысы Жалалутдин Закарьяев.

Билдирилген кюйде, эсгерилген турнир Дагъыстан АССР-ни 100 йыллыгъына байлавлу оьтгерилеген байрам чараланы бириси болгъан ва, ону гьасиллерине гёре, алдынлы ерлеге ес болгъан командалар кубоклар, медаллар ва савгъатлар булан савгъатлангъан.