Хасавюрт районда агъачлыкъ хозяйствону волонтёрларыны ортакъчылыгъы булан табиятны къоруп сакълавгъа байлавлу акция оьтгерилген. Шо гьаракатны барышында районну сув булан таъмин этеген гьавузланы ва оьзенлени бойлары чёплюклерден тазалангъан.
Бизге билдирилеген кюйде, аз заманны ичинди акцияны ортакъчыларыны къастлыгъы булан Ямансувну, Акъташны, оьзге сув гьавузланы, кёллени, уллу машин ёлланы айлана яны чёплюклерден тазалангъан.
Белгили кюйде, тазалыкъ этеген ерде тюгюл, сакълай ерде бола. Шо саялы да, акцияны ортакъчылары шо гюн янгы тазалыкъны болдуруп къоймай, ерли халкъ булан табиатны къоруп сакълавну гьакъында да англатыв ишлер оьтгергенлер.
