Къарабудагъгент районну охувчуларына наркотиклени къоллавну ва тамакю тартывну зараллыгъы гьакъда лакъырлашыв оьтгерилген.

Бизге билдиреген кюйде, шолай чара Агъачавулдагъы орта школада да оьтгерилген. Жыйында янгыз наркотиклени ва тамакю тартывну зараллыгъы гьакъда тюгюл, уллулагъа абур-сый этивню, олай да эдеп-намусну сакълавну гьакъында да лакъыр юрюлген. Жыйында Дагъыстанны Муфтиятыны, район администрацияны оьрюм чагъына етмеген яшлагъа къарайгъан ва терроризмге къаршы комиссияларыны вакиллери, юртну имамы сёйлегенлер.

Муфтиятны вакиллери ва юртну имамы жыйынны барышында гётерилген агьамиятлы масъалалагъа къыймат бергенлер, наркотиклени къоллавгъа ва тамакю тартывгъа оьзлени къаршылыгъын билдиргенлер.