Бугюн, декабр айны 1-нде, Магьачкъалада «Лезги газетни» редакциясында хас дав гьаракатны ортакъчысы Исмайыл Магьамматов булан журнлаистлени ёлугъуву оьтгерилди.
Исмайыл Магьамматов 1997-нчи йылда Дербент шагьарда тувгъан. 18 йыллыкъ чагъында Москвадагъы Оьр командный училищеге охумагъа тюшген. Охуп битген сонг асгер борчун давам этмек учун Таман дивизиягъа бакъдырылгъан.
Исмайыл Украинада хас дав гьаракатны вакътисинде украинали миллетчилени миномётлу атышывуна тюшген. Шонда яралангъан. Шогъар да къарамайлы оьзюню взводун къоркъунчсуз ерге чыгъармагъа бажаргъан.
Россия Федерацияны Президенты Владимир Путинни указы булан ол гёрсетген игитлиги учун Къоччакълыкъны ордени булан савгъатлангъан.
Исмайыл Магьамматов журналистлеге билдирген кюйде, бугюнлерде алгъан яраларыны себебинден заманлыкъгъа асгер ишинден айрылгъан, тек яралары къолай болгъандокъ, асгер къуллугъун узатмагъа алгъасайгъанын айтгъан.
