Уьлкебизни темиркъазыкъ тахшагьары Санкт-Петербург шагьарда оьтгерилген къайдасыз ябушувланы бразилиялы джиу-джитсу деген журасындан Россияны чемпионаты оьтгерилген. Чемпионатда уьлкени шо ябушувдан лап да гючлю спортчуларын жыйгъан.

Дагъыстанны жыйым командасы булан Россияны чемпионатында къакъашуралы Исмаил Мугьутдинов да ортакъчылыкъ этген ва оьзюню гьар ябушувунда усталыкъны гёрсетмеге болгъан. Гьакъыкъатда ол Россияны чемпиону деген сыйлы атгъа ес болгъан.

Биз Исмаил Мугьутдиновну гезикли уьстюнлюгю булан къутлайбыз ва Дюнья чемпионатында уьстюнлюклер ёрайбыз.