Къумукъ улан Ильяс Бекбулатов 70 кило авурлукъда «PRO WRESTLING» деген Гран – При-ни утгъан.
Бизге билдирген кюйде, ярышлар Владикавказда оьтгерилген ва олипия къайдада юрюлген. Ярышларда Россиягъа, Европагъа ва дюньягъа белгили тутушуп ябушувну усталары ортакъчылыкъ этгенлер. Амма шонда къумукъ кочапгъа тенг гелип бирев де болмагъан.
Айтагъаным, халиге гьар чыгъышын Ильяс Бекболатов оьзюню пайдасына тамамлап, финал ябушувда къумукъ кочап Дюньяны чемпиону Давид Баевни де утмагъа бажаргъан ва турнирни къурумчулар алдынлы ерни алгъангъа савгъатгъа онгаргъан 300 минг манатгъа ес болгъан.
30 йыллыкъ Ильяс Бекболатов Къаякентде тувгъан. Ол — Халкъара турнирлени, шону ичинде Ярыгинни атындагъы турнирни дёрт керен утгъан, Россияны, Европаны ва Азияны чемпиону болгъан. Гьали Узбекистанны байрагъыны тюбюнде ябуша.
