Къызылюрт шагьарда гьава-десант асгерлени 92-нчи йыллыгъына багъышлангъан гьаракат оьтгерилди. Афгъанистанда къуллукъ этген ветеранлар шо йыракъ тыш уьлкеде юрюлген давдан къайтмай къалгъанланы эсделигине ачылгъан шагьар бавунда жыйылды.
Инг алда гьава-десант асгерлени Къызылюрт шагьардагъы советини председатели Къанболат Салавов жыйылгъанланы алдына чыгъып сёйледи. Ол энниден сонг да шу ёрукъда ёлугъувлар оьтгермекни асувлугъун эсгере туруп, асгер къурдашларына яхшы савлукъ ва йылдан-йылгъа да эсен-аман ёлукъма насип ёрады.
Эсгерилген агьвалатгъа жыйылгъанлар минутлукъ шыплыкъ булан Афгъанистанда юрюлген давларда жанын къурбан этген къурдашларын эсге алдылар. Сонг олар Афгъанистандан къайтмай къалгъанланы эсделигине салынгъан мемориалгъа гюллер салды, эсделикге сурат алдырдылар.
Алибек САЛАВАТОВ.
Автор чыгъаргъан сурат.
