Гьаракатына рази къалдылар
Оьтген арбагюн, май айны 17-синде, Къарабудагъгент районну администрациясында сакъатланы «Язбаш» деген жамиятыны гьисап берив-сайлав жыйыны оьтгерилди. Ону барышында шо жамиятыны гетген 2022-нчи йылны боюнда юрютген гьаракатыны гьасиллери чыгъарылды. Шону булан бирге, алгъасавлукъда чечмеге тюшеген масъалалар да арагъа салынып ойлашылды.
Инг алда Къарабудагъгент районну гьакимбашыны заместители Ибрагьим Абдулмежитов «Язбаш» деген жамиятыны ёлбашчысы Али Мусаев сакъатлыкъгъа тарыгъан адамланы яшавлукъ масъалаларын чечмек учун гьайлы янашып гелегени гьакъда айтды. Арадан оьтген 20 йылны ичинде ол оьзюню шо гьаракатын туварып къоймайлы, гечесин-гюнюн бир этип дегенлей белсенип турагъанын да эсгерди.
Оьзюню гезигинде «Язбаш» деген жамиятыны ёлбашчысы Али Мусаев сакъатланы гьар тюрлю авараларын яшавгъа чыгъарывдан къайры да, ял алыв базада оланы савлугъун беклешдирмек учун мекенли шартлар болдурулгъанын ташдырды. Шо гьакъда айта туруп, ол эсгерилген ял алыв базасында гетген йылда 350 адам савлугъун беклешдиргени гьакъда билдирди. Ону сёзлерине гёре, сакъатлагъа денгизге тюшюп киринмеге шо базада тийишли кюйде имканлыкълар болдурулгъан. Ачыкълашдырып айтгъанда, бизин республикада сакъатлар учун шолай онгайлы шартлар яратылгъан биргине-бир ял алыв базасы гьисаплана.
Али Мусаев жамият асгер къуллукъчуланы, олай да Украина бойда юрюлеген хас гьаракатны ортакъчыларыны савлугъун беклешдиривге байлавлу проектни яшавгъа чыгъармакъ учун Дагъыстанны Башчысыны грантына да лайыкълы болгъан. Яшавлукъ онгайлыкълагъа гьажатлы адамлар учун ял алыв базаны мекенли кюйде къурашдырмакъгъа ва ясандырмакъгъа бакъдырылгъан умпагьатлы гьаракаты янгыз Къарабудагъгент районну тюгюл, республиканы оьр даражадагъы гьакимлик къурумларыны янындан да якълав тапгъан. Бу йылны лап башында Дагъыстанны Башчысы Сергей Меликов эсгерилген жамиятыны вакиллери булан ёлугъув оьтгергени де шону герти кюйде исбатлай.
Шондан сонг ДР-ни Жамият палатасына къуршалып иш гёреген профессор Ислам Магьамматов сакъатланы «Язбаш» деген жамиятыны ёлбашчысыны гьаракатына оьр къыймат берип сёйледи. Оьтгерилген жыйынны ортакъчылары эсгерилген жамиятыны ёлбашчысыны къуллугъуна Али Мусаевни гене къайтып сайлады.
Инг алда Къарабудагъгент районну гьакимбашыны заместители Ибрагьим Абдулмежитов «Язбаш» деген жамиятыны ёлбашчысы Али Мусаев сакъатлыкъгъа тарыгъан адамланы яшавлукъ масъалаларын чечмек учун гьайлы янашып гелегени гьакъда айтды. Арадан оьтген 20 йылны ичинде ол оьзюню шо гьаракатын туварып къоймайлы, гечесин-гюнюн бир этип дегенлей белсенип турагъанын да эсгерди.
Оьзюню гезигинде «Язбаш» деген жамиятыны ёлбашчысы Али Мусаев сакъатланы гьар тюрлю авараларын яшавгъа чыгъарывдан къайры да, ял алыв базада оланы савлугъун беклешдирмек учун мекенли шартлар болдурулгъанын ташдырды. Шо гьакъда айта туруп, ол эсгерилген ял алыв базасында гетген йылда 350 адам савлугъун беклешдиргени гьакъда билдирди. Ону сёзлерине гёре, сакъатлагъа денгизге тюшюп киринмеге шо базада тийишли кюйде имканлыкълар болдурулгъан. Ачыкълашдырып айтгъанда, бизин республикада сакъатлар учун шолай онгайлы шартлар яратылгъан биргине-бир ял алыв базасы гьисаплана.
Али Мусаев жамият асгер къуллукъчуланы, олай да Украина бойда юрюлеген хас гьаракатны ортакъчыларыны савлугъун беклешдиривге байлавлу проектни яшавгъа чыгъармакъ учун Дагъыстанны Башчысыны грантына да лайыкълы болгъан. Яшавлукъ онгайлыкълагъа гьажатлы адамлар учун ял алыв базаны мекенли кюйде къурашдырмакъгъа ва ясандырмакъгъа бакъдырылгъан умпагьатлы гьаракаты янгыз Къарабудагъгент районну тюгюл, республиканы оьр даражадагъы гьакимлик къурумларыны янындан да якълав тапгъан. Бу йылны лап башында Дагъыстанны Башчысы Сергей Меликов эсгерилген жамиятыны вакиллери булан ёлугъув оьтгергени де шону герти кюйде исбатлай.
Шондан сонг ДР-ни Жамият палатасына къуршалып иш гёреген профессор Ислам Магьамматов сакъатланы «Язбаш» деген жамиятыны ёлбашчысыны гьаракатына оьр къыймат берип сёйледи. Оьтгерилген жыйынны ортакъчылары эсгерилген жамиятыны ёлбашчысыны къуллугъуна Али Мусаевни гене къайтып сайлады.