ДОСААФ-ны ёлбашчысы булан ёлугъув

ДОСААФ-ны бёлюклери Россияда 80 регионда бар, шоланы бириси Дагъыстанда иш гёре. Оьтген жуманы ичинде Россияны ДОСААФ-ыны ёлбашчысы Александр Колмаков Сергей Меликов булан ёлукъгъан ва бир нече масъалалагъа къарагъан.

Аслу гьалда ДОСААФ пачалыкъны милли аманлыгъын беклешдирив булан машгъул. Шону учун да А. Колмаков региондагъы бёлюклеге барып, ёлбашчылар булан ёлугъуп, кёп-кёп масъа­лаланы чече.

Бу гезик де ол Дагъыстанны башчысы булан яшёрюмлени патриот ругьда тарбиялав, оланы асгерге чакъыргъанча алдагъы гьюнерин артдырыв, ДОСААФны идараларын сакълав, асгер-патриот чараланы юрю­тюв, яшёрюмлени спорт-техника школаларын, кружоклар ва секциялар ачыв масъалалагъа къаралгъан.
А. Колмаков Россияны ДОСААФы «Готов к труду и обороне» деген Бютюнроссия физкультура-спорт комплексни барышында ортакъчылыкъ этмеге имканлыкъ барын билдирген.

– Дагъыстан ДОСААФ-ы уьлкеде инг де къыйматлы бёлюк деп гьисап этиле, – дей А.Колмаков. – Бугюнден сонг сизин кёмегигиз де булан оланы гьаракаты дагъы да яхшылашар деп умут этемен.

Александр Колмаков Дагъыстанны Башчысына баракалла билдирди ва ону «ДОСААФ-гъа – 95 йыл» деген юбилей медаль булан савгъатлагъан.
Сергей Меликов ДОСААФ­ны гьаракаты булан кёп санавдагъы яшёрюмню пат­риот ругьда тарбиялама имканлыкъ болгъанын, оьз­лени асгер касбулагъа байлагъанын да ерли бёлюкню пайдалы ишиндендир деп, оьзюню янындан баракалла билдирген.

Сергей Меликов ва Александр Колмаков бирлешип ишлевню гьакъындагъы дыгъаргъа къоллар да салгъан. Шогъар гёре тезде Дагъыстанда яшёрюмлени асгерпатриот ругьда тарбиялайгъан центр къурмакъ да гёз алгъа тутулгъан.

Бизин мухбирибиз.


Суратда: Дагъыстанны Башчысы Сергей Меликов ва Россияны


ДОСААФ-ыны ёлбашчысы Александр Колмаков бирге ишлевню гьакъындагъы дыгъаргъа къоллар салгъан сонг.

Авторизация
*
*
Регистрация
*
*
*
Согласны с условиями сайта?
Генерация пароля