Дагъыстанлы спортчулар бу йыл 2 мингден артыкъ медаллар къазангъан
Оьтген жумада «Дагестанская правда» газетни конференц залында ДР-ни спорт министри Сажит Сажитовну прес-конференциясы оьтгерилди. С. Сажитов оьзюню сёйлевюнде Дагъыстанда спортгъа 1 миллион 557 минг адам къуршалгъанын эсгерди. Ону айтывуна гёре спорт булан машгъул адамланы арасында 3 йыллыкъ яшлардан 79 йыл болагъан уллулагъа ерли бар.
– Россиягъа этилген халкъара санкциялагъа да къарамайлы 2022-нчи йыл бизин республикада спорт тармакъ уьстюнлю болду демеге ярай. Республиканы спорт школаларыны яшлары халкъара оьлчевде де уьстюнлюклер къазанмагъа бажарды. Бу йылны ичинде бизин спортчулар 2 мингге ювукъ медаль къазанды. Олардан 600 минг алдынлы ерлер учун, - деди ол.
Йылны инг де гёрмекли агьавалатлары– UFC-де Ислам Магьачевни ва Bellator-да Усман Нюрмагьамматовну уьстюнлюклери де сююндюрдю. Министр Дагъыстанда къурулуп битмей турагъан спорт къурулушланы гаькъында да эсгерди. «Спорт-норма жизни» деген федерал проектге гёре бизин респудликада 32 спорт обьект къурулуп къоллавгъа берилген. Оланы арасында 13 футбол ойнайгъан гиччи майданлар, 12 спорт майдан, 2 спорт комплекс, 2 теннис спорт зал бар. Шолай да Дербентде, Терекли-Мектепде, Ва Хасавюрт районну Эндирей юртунда спорт объектлени къурулушу узатыла.
– Россиягъа этилген халкъара санкциялагъа да къарамайлы 2022-нчи йыл бизин республикада спорт тармакъ уьстюнлю болду демеге ярай. Республиканы спорт школаларыны яшлары халкъара оьлчевде де уьстюнлюклер къазанмагъа бажарды. Бу йылны ичинде бизин спортчулар 2 мингге ювукъ медаль къазанды. Олардан 600 минг алдынлы ерлер учун, - деди ол.
Йылны инг де гёрмекли агьавалатлары– UFC-де Ислам Магьачевни ва Bellator-да Усман Нюрмагьамматовну уьстюнлюклери де сююндюрдю. Министр Дагъыстанда къурулуп битмей турагъан спорт къурулушланы гаькъында да эсгерди. «Спорт-норма жизни» деген федерал проектге гёре бизин респудликада 32 спорт обьект къурулуп къоллавгъа берилген. Оланы арасында 13 футбол ойнайгъан гиччи майданлар, 12 спорт майдан, 2 спорт комплекс, 2 теннис спорт зал бар. Шолай да Дербентде, Терекли-Мектепде, Ва Хасавюрт районну Эндирей юртунда спорт объектлени къурулушу узатыла.