Дагъыстанлы бирдагъы Игит

Октябр айны 22-синде «Дагъыстан» маълумат агентствосу билдиреген кюйде, Россияны Президенти Владимир Путинни Указы булан дагъыстанлы Руслан КЪУРБАНОВГЪА Россия Федерациясыны Игити деген сыйлы ат берилген.

Танк взводну командири, старший лейтенант Руслан Къурбанов Украинаны ­миллетчилерден азат эт­меклик учун юрюлеген давларда ортакъчылыкъ эте туруп гёрсетген къоччакълыгъы саялы, Россияны инг уллу савгъатына ес болгъан.

Бир юртну алмакъ учун юрюлген давларда старший лейтенант Къурбановгъа яра тие. Тек ол дав майданда къалып, гетмей, ябушувун давам эте. Командир гьисапда бажарывлугъун ва къоччакълыгъын гёрсете. Ол минген танкны экипажы Россияны асгер гючлерини шо ерде гьаракат юрютеген бёлюгюню агьамиятлыгъы булангъы юртну алмагъа имканлыкълар ача. Дёрт гюнню ичинде ол ёлбашчылыкъ этеген танк взвод, къаршы дав этегенлени 36 техника гючюн (14 танкны), миномёт батареяны ва 200-ден артыкъ миллетчилени ёкъ этген. Оьзлени янындан тас этивлер болмагъан.
О гьакъда Дагъыстан Республиканы Башчысы Сергей Меликов оьзюню «Telegram» каналында эсгерип:

«Олай яш вакътингде инг уллу пачалыкъ савгъатны алма бажаргъанынг булан, Руслан, сени къутлайман. Биз барыбыз да сени булан оьктем болабыз, игит ишинге разилик билдиребиз. Сендей уланлар бизин яшлагъа уьлгю гёрсете», – деп язгъан.

Авторизация
*
*
Регистрация
*
*
*
Согласны с условиями сайта?
Генерация пароля