Дагъыстанда вакцина этдирив узатыла

1 февраля 2021 в 23:45 80
Дагъыстан пачалыкъ юрт хозяйство университетни дарс беривчюлери коронавирус аврувгъа къаршы вакцина этдиргенлер.

Оьр охув ожакъны пресс къуллугъу билдиреген кюйде, вакцинаны биринчи тиретин этдиргенлеге экинчи тиретге етишгенче болгъан чакъы оьзлени сакъламагъа тюшежек. Амалгъа геле туруп, олар дарсланы да йыракъда туруп этеген къайдагъа чыгъарылажакълар.

Билдирилеген кюйде, вакцинаны этгенче алдына дарс беривчюлени савлугъу толу кюйде, шону ичинде  къаныны басыву, къаркъарасыны иссилиги, къанына гьава етишегенлиги тергелген.

Вакцинаны экинчи тирети 21 гюн гетип этилежек ва оланы иммунитетин гючлендирив ишлер толу кюйде давам этилежек.