Буйнакский районда Ватанны якълавчусуну гюнюне байлавлу чаралар оьтгерилген

23 февраля 2021 в 13:16 69
Буйнакский районда, Ватанны якълавчусуну гюнюне байлавлу болуп, «Савбол деп оьзюнг айт» ва «Солдатгъа посылка» деген чаралар оьтгерилген.

Билдирилеген кюйде, чараланы барышында районну волонтерлары оьзлени башын тутгъанлар булан бирге Буйнакскийдеги дав госпитальда савлугъун къайтарагъан гьар солдатгъа савгъат пайлар онгаргъанлар. Пайлагъа тазалыкъ этив алатлар, орун-от, канфетлер ва оьзле тюрлю татлиликлер салынгъан.

Волентёрлар, госпитальны ичинде болуп, солдатланы етишип гелеген байрам гюн булан къутлагъанлар, олагъа тезлик булан савлугъун къайтармакъны ёрагъанлар ва Ватанны якълайгъаны саялы баракалла билдиргенлер.

«СОВА» деген волонтёрлукъ отрядны камиллешдиривчюсю Ума Сайпуллаева буса чараны гьазирлевде кёмек къолун узатгъанлагъа этген яхшы ишлери саялы разилик билдирген.