Оьген сонгугюн Буйнакск районну Дагъыстан АССР-ни 100 йыллыгъына байлавлу ёлугъув оьтгерилген. Ёлугъув Россияны Пачалыкъ Думасыны депутатыны кёмекчиси Маржанат Гьасанованы сиптечилиги булан оьтгерилген.
Ёлугъувну барышында лицейни ёлбашчысы Сугьанат Абдулова къонакълагъа хош-беш этген сонг, билим берив идараны тарихи ва етишген уьстюнлюклери гьакъда хабарлагъан.
Ёлугъувда Дагъыстанны милли политикагъа ва дин масъалалагъа къарайгъан министрликни бёлюгюню ёлбашчысы Хасайбат Валиева, Дагъыстанны Жамият палатасыны уьюрю Вагьаб Къазибеков, маълумат берив ва байлавлукъ министрликни вакили Эльмира Шейхова, «Лотос» деген спорт-савлукъ сакълав комплексни директору Магьамматтагьир Эскендеров ортакъчылыкъ этгенлер. Олар оьзлени сёйлевлеринде шо меселдеги ёлугъувланы оьсюп гелеген яш наслуну патриот ругьда тарбиялавуна ва Дагъыстанны маданият байлагъын артыдырывгъа таъсир этегенни айтгъанлар.
Ёлугъувда лицейни охувчулары милли йырлар йырлагъанлар, шиърулар охугъанлар.
Ёлугъувну ахырында буса лицейни директору Сугьанат Абдулова ёлугъувда ортакъчылыкъ этгенлеге ва айрыча Маржанат Гьасановагъа яшлагъа кёмек къолун узатагъан ва береген савгъатлар саялы теренден разилигин билдирген.
