Январ айны 20-сында Дагъыстан Республиканы Халкъ Жыйыныны Председателини биринчи заместители Сайгидагьмат Агьматов Буйнакск район администрацияны къуллукъчулары булан ёлугъув оьтгерген.

Ёлугъувда ол районну башчысыны къуллукъларын кютмек учун Уллубий Магьамматович Ханмурзаев белгиленегенни гьакъында айтгъан. Ёлугъувда Буйнакск район администрацияны башчысыны къуллукъларын кютюп тургъан Абидин Къарчыгъаев, районну башчысыны заместителлери, администрацияны бёлюклерини ёлбашчылары ва оьзге къуллукъчулар да ортакъчылыкъ этген.

Уллубий Ханмурзаев бу къуллукъгъа белгиленгинче алда Россияны Ахтарыв комитетини Дагъыстан управлениесинде айрыча агьамиятлы ишлени ахтарывчусу болуп ишлей болгъан.