Азинат ПАШАЕВА: «Чечек яздырмагъа къоркъмагъыз»

Мен – Къарабудагъгентдеги китапханы къуллукъчусуман. Китапханачыны касбусун юрютегеним кёп йыллар бола. Оьзюмню гьар касбу борчларымны кюте туруп, гьар гюн де магъа уллулар булан да, яшлар булан да къанамагъа тюше. Шо саялы да, савлай дюньягъа яйылып турагъан коранавирусгъа къаршы чечек яздырмагъа имканлыкъ тувулунгъандокъ да, мен кёп ойлашып турмадым. Инг алда оьзюмню ва агьлюдеги мени ювукъ адамларымны, иш ёлдашларымны, олай да бизге китап алмагъа гелеген юртлуларымны савлугъун ойлашып, биринчилерден болуп, март айда коронавирусгъа къаршы чечек яздыртдым.

Булай да бирев айтмаса да, мен грипп аврувгъа къаршы да чечек яздыртып гелгенмен. Яш йылларыбызны эсге алсакъ да, бизге гьар тюрлю югъагъан аврувлагъа къаршы чечек яздырылгъан. Мен гьисап этеген кюйде, шу коронавирусгъа яздырылагъаны да шоланы бириси. Чечек яздырмагъа къоркъмагъыз. Гелигиз, барыбызда бир йимик бирлешип, коронавирусгъа къаршы чечек яздырайыкъ. Шолай этсек, шо къоркъунчлу аврувну яйылывун алдын алывдан къайры да, бир де къопдурувсуз айтгъанда, шону ер юзюнден ёкъ этмек учун шартлар, имканлыкълар яратылажакъ. Бирдагъы да мен сизин барыгъызны да коронавирусгъа къаршы чечек яздырмагъа чакъыраман. Неге тюгюл де, биз бугюн бизин ойлашып къойгъан булан болмай. Оьсюп гелеген яшларыбызны, авлетлерин де, олардан туважакъланы гьакъында да ойлашмагъа герекбиз.

Азинат ПАШАЕВА, Къарабудагъгентдеги китапхананы къуллукъчусу.

Авторизация
*
*
Регистрация
*
*
*
Согласны с условиями сайта?
Генерация пароля