Запасдагъыланы асгерге чакъырыв давам этиле. Оланы дав этивню сырларын уьйретеген центрлагъа йибере. Шоланы яшав гьалларын билмек муратда районланы башчылары шо ерлеге баралар. Алдагъы гюнлерде Къарабудагъгент районну башчысы Магьмут Амиралиев, оьзюню орунбасары Жалалутдин Жамалутдинов ва Къарабудагъгент юртну башчысы Магьамматсолтан Гьасанов да булан Мычыгъыш республиканы Шали шагьарына барды. Шондагъы уьйренив чаралар юрюлеген хас центр­да мобилизация этилген районну яшлары булан ёлукъгъан.

Дазулангъан мобилизациягъа чакъырылгъан ватандашлар оьзлени турушу ва уьйренив чаралары юрюлеген кюйге рази экенни айтгъан ва шону ата-аналарына ва дос-къардашларына билдирмекни тилеген. Оланы ашы-суву, уьйренивлер юрюлеген гьалы, ­гийимлери тарыкълы даражада.
Районну башчысы Магьмут Амиралиев Къарабудагъгент район­дан чыкъгъан уланлар Ватанны якълавда ва сюювде оьзгелеге уьлгю болуп гелгенин ачыкълашдыргъан. Демек, оланы патриот ва интернационал ругьу, ана топурагъын ва элин сюювю оьр даражада болгъанны айтгъан.

«Районну бары да халкъыны атындан сизге гьакъ юрекден баракалламны билдиремен. Сиз – къоччакълыкъны ва игитликни уьлгюлерисиз. Сизге къатты савлукъ ва уьстюнлюклер ёрайман. Чинкдеси, оьзюгюзню ва ёлдашларыгъызны аягъыз! Борчугъузну да кютюп, сав-саламат уьюгюзге къайты_гъыз!» – деп ёравлар да этген.

Мобилизациягъа къуршалгъан районлу яшлар Магьмут Амиралиевге ва савлай районну халкъына оьзлеге агьамият бергени саялы баракалласын билдиргенлер.