Армиягъа чакъырылагъан жагьиллени гюню белгиленди

Гьар йыл дегенлейин, йылда эки керен — язбашда ва гюзде асгерге чакъырылагъан жагьиллени гюню оьтгериле. Шолай гьалда юрюлген чарада асгерде къуллукъ этме чагъы етишген жагьиллени арасында юрюлеген ярышларда олар гючюн сынай.

ДР-ни Къызылюрт шагьар, Къызылюрт ва Хумторкъали районларыны жагьиллери военный комиссариатында эртенокъ  жыйылма башлады. Алдын йимик, бу гезик де Къызылюрт шагьарны, Къызылюрт ва Хумторкъали районланы школалаларыны охувчулары ва ДОСААФ-ны Къызылюрт шагьардагъы автошколасыны курсантлары пудлукъну гётеривде, турникде тартылывда ва еринде туруп, мезгилге атылывда тогъа тартды.

Хумторкъали районну Къоркъмаскъала юртундан 2-нчи номерли школасыны командасы биринчи ерни къазанды. Экинчи ва уьчюнчю ерлеге Къызылюрт шагьардагъы 8-нчи ва 4-нчю номерли орта школолаларыны охувчулары ес болду.

Асгерге чакъырылагъан жагьиллени алдында ДР-ни Къызылюрт шагьар, Къызылюрт ва Хумторкъали районларыны военный комиссары Шейхсайит Магьамматов, Къызылюрт районну башчысыны заместители Адил Гьажаматов, запасдагъы подполковник Агьмат Гьюсейнов, сонг да Афгъанистанда асгер борчун кютгенлени Къызылюрт Советини председателини заместители Къанболат Салавов, Хумторкъали районну башчысыны заместители ва шо районну ветеранларыны Советини председатели Къураш Алиев насигьат бердилер.

Алдынлыкъны алгъан жагьиллеге Кубок, даражалы Грамоталар, Дипломлар ва оьзге тюрлю савгъатлар тапшурулду.

Бу чарада Украинада юрюлегшен хас операцияны ортакъчысы, Хумторкъали районну Алмалы юртундан чыкъгъан Ибрагьим Алиев де ортакъчылыкъ этди. Мунда Ибрагьимге Дав Оборонаны янындан «За боевые отличия» деген медал тапшурулду. Сонг да ол къуллукъ этивде гёрсетген сиптечилиги ва асгерде етишген уьстюнлюгю саялы Гюнбатыш округну командующийи, генерал-полковник А.Журавлёну атындан Грамотагъа да ес болду.

  Чараны ахырында Хумторкъали райондан гелген «Сарихум» деген хореография ансамблини ортакъчылары чыгъышлары булан мунда жыйылгъанланы разилигин алды.

Автор чыгъаргъан суратлар

Авторизация
*
*
Регистрация
*
*
*
Согласны с условиями сайта?
Генерация пароля