Россияны Ахтарыв комитетини Дагъыстан ахтарыв управлениеси темир ёлну Магьачкъала станциясындагъы бёлюгюню начальнигине къаршы уголовный иш ачгъан.

Ахтарывчулар токъташдырагъан кюйде, ол артдагъы уьч йылны ичинде темир ёлда аманлыкъны болдурувгъа къарайгъан къурумгъа 160 адамны ишге алгъан. Оланы бирисини де касбу бажарывлугъуна къарамагъан, «къорувчуланы» арасында гьатта алда гьар тюрлю жинаятчылыкълар саялы туснакъларда туруп чыкъгъанлар да бар. Ишге янгы тюшегенлер биринчи алапасындан бёлюкню начальнигине де пай чыгъарма борчлу болгъан ва ону банкдагъы счётуна акъча бакъдырып тургъан.

Гьарам акъчагъа амракъ жаваплы къуллукъчуну ишине ювукъ арада шагьарны Совет район судунда къаралажакъ.