Буйнакск районну Тебенжюнгютей юртундагъы орта школаны директору Гюльнара Гьюсейнова 47 йыл оьмюрюн яш наслуну тарбиялавгъа багъышлагъан ОБЖ дарсны муаллими Иса Аманатовгъа баркалла билдирген.

Иса Аманатовну яшаву – ол кёп сююп танглагъан касбусу. Эгер бир-биревлер ол юрютеген ОБЖ дарсны экинчи тиретли дарсгъа гьисап эте буса, олар янгылышалар. Шону булан Иса Аманатов оьзю де рази тюгюл, неге тюгюл де, ол оьзю де айтагъан кюйде, оьсюп гелеген яш наслугъа къоркъунчсуз яшавну аслуларын уьйретмек олар учун яшавда лап да аслу ерни тута.

Иса Аманатов загьмат ёлунда етишген уьстюнлюклери де аз тюгюл. Оланы лап да аслулары – ол тарбиялагъан яшлар. Ол оьзюню дарсларында охувчуланы олагъа шагьра ёлда тарыкъ болажакъ гьаллагъа, чинкдеси, адамны яшавун къоруп сакъламагъа уьйрете.

Охувчулар кёп сюеген муаллимине этеген къайтарыш да сююндюре. Гьали-гьалилерде Иса Аманатовну охувчулары Юлдуз Алхазова (9 клас) ва Тахсимбек Жаякъаев (11 клас) ОБЖ дарсдан юрюлген Бютюнроссия олимпиаданы регион даражасында савгъатлы ерлеге ес болгъанлар.

Биз де Иса Аманатовну охувчулары етишген уьстюнлюклер булан гьакъ юрекден къутлайбыз ва огъар загьмат ёлунда дагъы да уллу уьстюнлюклер ёрайбыз.