Шо саялы да бизин Буйнакск райондан Завур Шихов деген улан онда уьстюнлюк къазанып болгъанлыкъны къыйматы кёп уллу.

Завур Ростовда оьр охув ожакъда охуй. Шо себепден бу гезик ол оьзю билим алып турагъан шо оьр охув ожакъны гьюрметин якълап ортакъчылыкъ этген. Гьасили, ол ябушувну экинчи бёлюгюнде осетинли А.Кабистов деген боксёрну накаут булан утгъан.

Финалгъа чыкъмакъ учун ол уьчюнчю тиретдеги ябушувда кёп чыдамлыкъ да, къаттылыкъ да гёрсетме бажаргъан. Ростовлу З.Зафаровну башлапгъы эки раундда алгъа чыкъма къоймай тургъан. Уьчюнчю бёлюкде билегин авуртдурса да, оьзюне къаршы тургъан гьаракатчы боксёрну енгме бажаргъан. Тек финалда ябушуп болгъай эди деген сорав тува. Ол енгилмей финал ябушувгъа чыгъа. Ростовлу айтылгъан боксёр  Э.Аббасовну бек арив кюйде ута. Авуртагъан сол къолун «къалкъан» этип, ол онгайлатып бир къолу булан ростовлу спортчуну утма амал этген.

Оьзю Завур – къазанышлы. Башлап ону Буйнакск шагьарда Руслан Арсланалиев боксгъа ябушма уьйретген. Сонг огъар Россияны ат къазангъан тренери Р.Агьматов насигьатчы болгъан.

Буссагьат Завур Ростовдагъы университетни энергетика факультетинде охуй, А.Баевни ва И.Здвижковну ёлбашчылыгъыны тюбюнде ябушувну уьлгюлерин уьйренип тура.

 

 

 

А.Залимханов.