Москва областны Подольск шагьарыны «Витязь-2004» деген командасы турнирни чемпиону болгъан. Эсгерилген команда ярышларда 8 керен ойнагъан ва етти оюнну утгъан.

Шо командада гьужумчу болуп бабаюртлу къумукъ яш Гьажи Къазбеков ойнагъан. Ол турнирде 5 шайба гийирген. Бабаюртлу яш хоккеистге турнирни къурум комитети «Инг де яхшы гьужумчу» деген хас савгъат да тапшургъан.

Гьажи ойнайгъан «Витязь-2004» деген команда Москва областны чемпионатында экинчи ва Москва шагьарны чемпионатында уьчюнчю ерлени къазангъан.

Яш хоккеист белгили бабаюртлу кочап, дюньяны кубогун ва Россияны чемпионатында бронза медаль къазангъан Завур Къазбековну уланы бола.

– Мен Екатеринбург шагьардагъы турнирде болдум ва уланымны уланы ойнайгъан кюйню гёрюп сююндюм ва огъар хас савгъат бергенге чи дагъы да бек къувандым. Гьали мени уланымны уьч де авлети хоккей ойнай.

 

 

Измулла ГЬАЖИЕВ.