Гезикли уллу уьстюнлюк

Краснодар крайны Анапа шагьарында кикбоксингден дюньяны кубогуну ярышларында 43 пачалыкъдан 1200 кикбоксёр ортакъчылыкъ этген.

Ярышлар уллуланы, оьрюм яшланы ва яшланы арасында оьтгерилген.


Моздок шагьарлы 21 йыллыкъ къумукъ улан Магьаммат Сатигьажиев (тренери Тимур Рафиков) шо ярышларда 86 кило авурлукъда биринчи ерни къазангъан. Башлап ол хорватлыны, сонг египетли кикбоксёрланы утгъан ва финалда молдавиялы булан ябушма чыкъгъан.



Ёлугъувну биринчи раундунда Магьаммат ону уруп йыгъып утгъан ва чемпион атны алгъан. Ярышланы къурум комитети инг яхшы техника гёрсетип ябушгъан Магьамматгъа бриллиант белги де тапшургъан.



Оьзюню яшлыгъына да къарамайлы, ол уьч йыл алда Россияны, сонг дюньяны чемпиону болгъан. Къумукъ улан – бугюн Темиркъазыкъ Осетия-Алания Республикада инг айтылгъан кикбоксёр.



Бир вакътиде ол тай бокс булан машгъул болгъан. Таиландда 2010-нчу йылда оьтгерилген дюньяны чемпионатында гюмюш медаль да къазангъан.



Бугюн Магьаммат – Ставрополь техника университетни нап ва газ факультетини студенти.



Суратда: М. Сатигьажиев.



Авторизация
*
*
Регистрация
*
*
*
Согласны с условиями сайта?
Генерация пароля