Тюркияда гьазирлик гёрюв башлангъан

Маълумат къураллар билдиреген кюйде, гьазирлик гёрювню «Анжи» шу состав булан башлагъан: Евгений Помазан, Михаил Кержаков, Мегьти Женнетов, Андрей Ещенко, Али Гьажибеков, Бенуа Анг­бва, Гия Григалава, Александр Епуряну, Камил Агъаларов, Расим Тагьирбеков, Вадим Демидов, Айоделе Аделейе, Эвертон Алмейда, Алан Гатагов, Карлен Мкртчян, Шариф Мугьаммад, Владимир Соболев, Одил Агьматов, Абдул Разак, Илья Максимов, Павел Соломатин, Сердер Сердеров, Никита Бурмистров, Исламнур Абдулавов.

Команданы якълавчуларыны бириси, бразилиялы Жусилей Бирлешген Арап Эмиратланы «Аль Жазира» командасына сатылгъан. Къышлыкъ трансфер заманны ичинде бизин командадан футболистлер гетме де бола, башгъа футболистлер гелме де имканлы. Юрюлеген хабарлагъа гёре, харжы ёкъ саялы тозулма турагъан Нальчикни «Спартак» командасыны орталыкъда ойнайгъан футболисти, 27 йыллыкъ Игорь Коронов, Донецкини «Металлург» командасыны футболисти Данило Соуза, Львовну «Карпаты» командасыны якълавчусу Авелор «Анжиге» чыкъма имканлы. Киевни «Динамо» командасыны чапгъынчысы Александр Алиев «Анжиге» чыгъагъаныны масъаласы 99 процентге чечилген деп сёйлене.

А.Алиев пагьмулу, топ ги­йирме уста чапгъынчы, тек низамны бузагъан, тренерлер булан къыйышып болмайгъан хасияты булан белгили футболист. Шолай футболистни командагъа ала буса, сынавлу тренер Гьажи Гьажиев не учун экенни оьзю биледир. Яда къалгъан 11 оюнда ол гийирежек топлар булан ­премьер-лигада къалма сюедир. Заман гёрсетир.

Авторизация
*
*
Регистрация
*
*
*
Согласны с условиями сайта?
Генерация пароля