РОССИЯНЫ ЧЕМПИОНУ

Ярышларда юртлу кочап 5 керен ябушгъан. 35 кило авурлукъда ол ярым финалда Ханты-Мансийск округлу Исмайыл Тавсолтановну 3:2,  финалда якъутлу Григорий Балтуевни 8:6 санав булан утуп, Россияны чемпиону болгъан. Финал ёлугъувну гьакъындан яш кочап бизге булай хабарлады:

– Савлай Россиядан оьтген ярышларда 300-ге ювукъ яш кочап ортакъчылыкъ этди. Мени булан финалда ябушгъан якъутлу кочап да чемпион болма сюе эди. Утма мен де сюйдюм. Ёлугъувда уьст гелме тынч болмады. Къаст этип утма болдум, –деди ол.

– Карабдин Россияны чемпиону болуп бизин бек сююндюрдю. Ол ярышлардан утуп къайтгъан гюн ону бизин школаны охувчу яшлары алдына чыгъып къаршыладылар. Шо бизин учун бир арив шат гюн болду. Яш чемпион – бизин школаны оьктемлиги, – деди школаны директору Айзанат Абуталипова.

Карабдинни ярышлагъа Хасавюртда Ш. Умахановну атындагъы яшланы хас спорт школасыны тренери Тагьир Алиев гьазирлеген.

Ярышларда уьст гелген сонг Карабдинге спортну устасына кандидат ат да берилген. Чемпион ат булан эндирейли яш кочапны биз де къутлайбыз.

 

 

 

Измулла АДЖИЕВ

Автор чыгъаргъан сурат.

 

Авторизация
*
*
Регистрация
*
*
*
Согласны с условиями сайта?
Генерация пароля