«Анжини» баш тренери Сергей Ташуев гьисап этген кюйде, экинчи жыйымда къаркъара якъдан гьазирлик гёреген, авур атлетика булан, кёп чабыв упражнениелер булан машгъул болуп моюйгъан, къавшалагъан биринчи команданы футболистлерин къуршамай, бу кубокгъа, баш тренери Руслан Агъаларов булан гьакълашып, экинчи лигада ойнайгъан «Анжи-2»-ни къуршама токъташгъан.
«Анжи-2» отпускадан чыгъып, Магьачкъалада бир жума гьазирлик де гёрюп, Тюркиягъа, Белекге гелип, артындагъы гюн бизин подгруппадагъы новосибирскили «Сибирь» булан ойнама чыкъды. Бизин жагьил, толу кюйде тренировкалар да юрютме башламагъан командабыз, Андрей Гордеевни «Сибирине» яхшы тирелсе де, оюнну 0:2 санав булан утдурду.
Арадан бир гюн гетип, Ярославлни «Шинник» командасы булангъы оюнун бизин жагьиллер хыйлы да жыйнакълы ойнап, милли лиганы башындагъы ерлени бирисинде ерлешген «Шинник» булан ничья этип бажарды – 0:0.
Подгруппадагъы уьчюнчю оюнун «Анжи-2», милли лигада экинчи ерде барагъан Ленинград областны « Тосно» деген командасы булан ойнады. Оюндан-оюнгъа къатагъан бизин жагьил футболистлер, «Тоснону» чапгъынларын да гери уруп, оьзлени бир чапгъынында, Исламнур Абдуллавовну гьаракаты булан болгъан къоркъунчлу мюгьлетден пайдаланып, 1:0 санав булан милли лиганы чинк де гючлю командаларыны бирисин утма бажарды. Бу оюнда Абдуллавовдан къайры, агъа-ини Мусаловлар ва он бир метрлик штрафнойну гери ургъан къапучу Мегьти Женнетов айрокъда арив оюн гёрсетдилер.
Бир оюнну аслу командабыз да ойнады. Словакияны оьр лигасында биринчи ерде барагъан «Жилина» деген команда булан бизинкилер, аслу гьазирликни натижасында талгъан кююнде ойнаса да, ничья этип бажарды.
Оюнну 28-нчи минутунда Оливейра оюнну санавун ачды. Экинчи таймда 69-нчу минутунда Шамил Асилдаров санавну тенглешдирди – 1:1.
Эки де командабыз гьазирлигин давам эте. Гелеген оюнун аслу командабыз къазахстанлы «Акътёбе» деген команда булан ойнажакъ.
«Анжи-2» отпускадан чыгъып, Магьачкъалада бир жума гьазирлик де гёрюп, Тюркиягъа, Белекге гелип, артындагъы гюн бизин подгруппадагъы новосибирскили «Сибирь» булан ойнама чыкъды. Бизин жагьил, толу кюйде тренировкалар да юрютме башламагъан командабыз, Андрей Гордеевни «Сибирине» яхшы тирелсе де, оюнну 0:2 санав булан утдурду.
Арадан бир гюн гетип, Ярославлни «Шинник» командасы булангъы оюнун бизин жагьиллер хыйлы да жыйнакълы ойнап, милли лиганы башындагъы ерлени бирисинде ерлешген «Шинник» булан ничья этип бажарды – 0:0.
Подгруппадагъы уьчюнчю оюнун «Анжи-2», милли лигада экинчи ерде барагъан Ленинград областны « Тосно» деген командасы булан ойнады. Оюндан-оюнгъа къатагъан бизин жагьил футболистлер, «Тоснону» чапгъынларын да гери уруп, оьзлени бир чапгъынында, Исламнур Абдуллавовну гьаракаты булан болгъан къоркъунчлу мюгьлетден пайдаланып, 1:0 санав булан милли лиганы чинк де гючлю командаларыны бирисин утма бажарды. Бу оюнда Абдуллавовдан къайры, агъа-ини Мусаловлар ва он бир метрлик штрафнойну гери ургъан къапучу Мегьти Женнетов айрокъда арив оюн гёрсетдилер.
Бир оюнну аслу командабыз да ойнады. Словакияны оьр лигасында биринчи ерде барагъан «Жилина» деген команда булан бизинкилер, аслу гьазирликни натижасында талгъан кююнде ойнаса да, ничья этип бажарды.
Оюнну 28-нчи минутунда Оливейра оюнну санавун ачды. Экинчи таймда 69-нчу минутунда Шамил Асилдаров санавну тенглешдирди – 1:1.
Эки де командабыз гьазирлигин давам эте. Гелеген оюнун аслу командабыз къазахстанлы «Акътёбе» деген команда булан ойнажакъ.
Шарапутдин Кишиев.
СУРАТДА: “Анжи-2” “Тосно” булан ойнай.
