–Бизин Кахулай юртну кикбоксёрларыны атлары Россияда, Европада ва дюньяда белгили. Бизин юртлу белгили тренер Шамил Къадиев мени ва кёп чемпионланы гьазирлегенни айрыча эсгерме сюемен. Мен уьйретгенлерден Мама Мамаев дюньяны, Европаны ва Россияны чемпиону, яшёрюмлени арасында дюньяны чемпионатларында эки керен алтын медаль къазангъан. Шамил Солтанбеков, Ислам Алимурзаев, Камил Магьамматов, Набиюлла Акъаев ва Ислам Кадиев Россияны ва округну чемпионлары болгъан. Дагъыстанны чемпионлары болгъанланы санаву чу дагъы да кёп.

Мен бизин юртлу яшлар булан тренировкалар оьтгерме кёп сюемен. Оланы уьстюнлюклеринден сююнемен. Биз кёп яшланы орамдан айырып спортгъа къуршайбыз. Кикбоксинг яшланы эргиши кюйде тарбиялай.

Ону учун яшланы тренировкаларда шо къатты хасиятларына агьамият беребиз, –дей Хайрутдин Будаев.

Хайрутдин Будаевге артдагъы йылларда Дагъыстанны кикбоксинг федерациясы «Инг де яхшы тренер» деген атны берген. Республикада кикбоксингден тренерлени арасында да ону абуру бар. Ол яшлар булан намуслу кюйде ишлей.

–Бизин юртну башчысы Шамил Къадиев яш кикбоксёрлагъа ярышлагъа барма гьар заман оьзюню кёмегин эте. Шо саялы биз огъар баракаллабызны билдиребиз. Ол гьар заман дегенлей залгъа гелип тренировкалар оьтгерме магъа кёмек этегенин де эсгерме сюемен, –дей Хайрутдин.

 

 

Измулла ГЬАЖИЕВ.

СУРАТДА: Х. Будаев (онгда).

Автор чыгъаргъан сурат.