Гьыгъыз, жагьиллер!

Зоналыкъ асгер оюнлагъа бизин команданы «Буйнакск район» муниципал бирлешивюню администрациясында туризмге ва жагьиллени ишлерине къарайгъан бёлюгюню ёлбашчысы А. Ойболатов алып баргъан эди.

Булай ярышлар жагьил тайпаны вакиллерин патриот ругьда тарбияламакъ учун гьар йыл дегенлей оьтгериле. Ярышланы барышында олар оьзлени санларыны чыныкъгъанлыгъы, не тюрлю къыйынлыкълардан оьтме онгу гьазирлиги барны гёрсетелер. Бу гезик жагьил уланлар турнирде тартылывдан, аркъан булан атылывдан, чабывдан алдынлыкъ къазанмакъ учун бек къаст гёрдюлер.

Сонг олар автоматны гьар бёлюгюн чечип-жыйып, гьар тюрлю четимликлери булангъы «полосадан» бажарывлу кюйде чалт оьтюп болагъанын исбатладылар.

Оьрюм яшланы арасында чакъда-чакъда оьтгерилеген булай ярышларда ортакъчылыкъ этеген жагьиллени яшавгъа, ата-анагъа, Ватангъа бакъгъан янашыву да оьзтёрече бола.

– Асгер-спорт оюнлар яшланы асгерде къуллукъ этме муштарлыгъын артдырагъандан къайры да, оланы савлугъун яхшылашдыра, чыдамлы эте. Ватанны тарихине ва талигьине гьюрмет булан янашмагъа уьйрете.

Ярышланы экинчи бёлюгюнде Буйнакск районну командасыны ортакъчылары лайыкълы экинчи ерге ес болуп, республика конкурсну Магьачкъалада оьтгерилежек уьчюнчю бёлюгюне оьзлеге ёл ачгъанлар.



Оьз мухбирибиз.


Авторизация
*
*
Регистрация
*
*
*
Согласны с условиями сайта?
Генерация пароля