Грозныйдан – алтын медаллар

     Джиу-джитсу ябушувда тогъатартывлар тутушуп ябушувгъа парх бере буса да, онда бувма да, санын авуртдурагъан чара гёрме де ихтияр бериле. Чинкдеси, джиу-джитсу ябушувда кочаплар очколагъа ябушмай, гючюн гёрсетип утма ябуша. Шо саялы буса да ярай, эсгерилген ябушув лап да гёрюнюшлю ябушувланы бири гьисаплана.

    Мычыгъыш Республикада оьрде эсгерилген ябушувдан ярышлар оьтгерилегени биринчилей тюгюл. Гьар йыл дегенлей Мычыгъыш Республикада джиу-джитсу ябушувну ачыкъ чемпионатында ортакъчылыкъ этмеге дюньягъа белгили кочаплар жыйыла. Бу гезик де чемпионат шолай оьтген. Айтагъаным, «Олимпийский» деген спорткомплексде юрюлген ярышларда эки гюнню боюнда къаравчулагъа джиу-джитсу ябушувдан дюньяны 4 керен чемпиону агъа-инилер Рафаэль ва Гильерме Мендеслер гёрсетген мастер-класлагъа къарамагъа насип болгъан. Сонг да, белгили кочаплардан къайры да, халчаны уьстюнде оьзлени гючюн ва къарывун гёрсетген бизин якълы кочаплар да къаравчуланы тергевюн тартгъан.

    Бабаюртлуланы гьакъында айта туруп, олар да халчаны уьстюнде оьзлени гючюн ва уьстюнлюкге етишмеге гьаракатын гёрсетмеге болгъан. Къаршы тургъанлардан уьстюн гелме болгъан Завур Жантеголов ва Али Багов гьакъыкъатда ачыкъ чемпионатны алтын медалларына ес болгъанлар. Салим Зубайыловгъа буса чемпионатны къурумчулары бир гёнгюлден «Уьстюнлюкге гьаракаты учун» деген хас медаль тапшурулгъан.



Герейхан ГЬАЖИЕВ,

бизин мухбирибиз.

СУРАТДА: Завур Жантеголов ва Али Багов.

Авторизация
*
*
Регистрация
*
*
*
Согласны с условиями сайта?
Генерация пароля