Йыракъ Гонконгда ол 65 кило авурлукъда финалда китайлы саньдаист булан ёлукъгъан. Эки раунд юрюлген ябушувда Саадулла китайлыны 4:1 санав булан утгъан ва биринчи ерни алгъан. Финалдан алда да эки ёлугъувда уьст гелген.
Агъачавуллу – Дагъыстанны беш керен чемпиону. Россияны чемпионатын да утгъан. 2004-нчю йылда Италияда оьтгерилген дюньяны кубогуну ярышларында биринчи ерни де алгъан. 2010-нчу йылда буса Сингапурда болгъан дюньяны чемпионатында Саадулла уьчюнчю савгъатны къазангъан. Эки йыл алда ол 17–19 йыллыкъ яшланы арасында Европаны кубогуну ярышларында алтын медальгъа ес болгъан. Гьали ол Дагъыстан пачалыкъ педагогика университетни спорт факультетини 5-нчи курсунда охуй.
– Гонконгдагъы ярышланы финал ёлугъувунда ерли китайлы саньдаист утма бек къаст этген эди. Залны ичиндеги бары да къаравчуланы огъар юреги авуртады. Озокъда, йыракъ ят элде ерлини утма тынч болмай. Мен ону да яхшы англай эдим. Шону учун бек къаст этип ябушма тюшдю. Дёрт балл алдым, ол буса бирни алды. Баракалла мени биринчи тренерим Мурат Чунаевге мени кёп йыллар яхшы гьазир этгени саялы. Мени уьстюнлюклеримде ону кёп къошуму бар, – деди Саадулла.
– Оьзюню яшлыгъына да къарамайлы, агъачавуллу Саадулла Узайыров ушу-саньдада уллу уьстюнлюклеге етишме болгъан. Ол ушу-саньданы кёп сюе. Энниден сонг дагъы да биринчи ерлени къазанажакъны билемен, – дей белгили тренер Марат Къонакъбиев.
Агъачавуллу – Дагъыстанны беш керен чемпиону. Россияны чемпионатын да утгъан. 2004-нчю йылда Италияда оьтгерилген дюньяны кубогуну ярышларында биринчи ерни де алгъан. 2010-нчу йылда буса Сингапурда болгъан дюньяны чемпионатында Саадулла уьчюнчю савгъатны къазангъан. Эки йыл алда ол 17–19 йыллыкъ яшланы арасында Европаны кубогуну ярышларында алтын медальгъа ес болгъан. Гьали ол Дагъыстан пачалыкъ педагогика университетни спорт факультетини 5-нчи курсунда охуй.
– Гонконгдагъы ярышланы финал ёлугъувунда ерли китайлы саньдаист утма бек къаст этген эди. Залны ичиндеги бары да къаравчуланы огъар юреги авуртады. Озокъда, йыракъ ят элде ерлини утма тынч болмай. Мен ону да яхшы англай эдим. Шону учун бек къаст этип ябушма тюшдю. Дёрт балл алдым, ол буса бирни алды. Баракалла мени биринчи тренерим Мурат Чунаевге мени кёп йыллар яхшы гьазир этгени саялы. Мени уьстюнлюклеримде ону кёп къошуму бар, – деди Саадулла.
– Оьзюню яшлыгъына да къарамайлы, агъачавуллу Саадулла Узайыров ушу-саньдада уллу уьстюнлюклеге етишме болгъан. Ол ушу-саньданы кёп сюе. Энниден сонг дагъы да биринчи ерлени къазанажакъны билемен, – дей белгили тренер Марат Къонакъбиев.
Измулла Гьажиев.
Суратда С. Узайыров.
Автор чыгъаргъан сурат.
