Кикбоксингден дюньяны гезикли чемпионаты Бразилияны Сан-Пауло штатыны Гуаружа деген шагьарында оьтгерилген.
Дюньяны 48 пачалыгъындан ярышларда 413 кикбоксёр ортакъчылыкъ этген. Оланы кёплери Европаны, Американы, Азияны ва дюньны чемпионлары болгъан. Шо ярышларда Россиядан баргъан кикбоксёрлар 12 алтын, 5 гюмюш ва 14 бронза медаль къазангъан.
Инг де айтылгъан кикбоксёрланы дюнья чемпионатында эки къумукъ медаллар къазанып къайтгъан.
Гюйдюрмес районну Борагъан юртунда тувгъан, Белоруссия команда учун ябушгъан 22 йыллыкъ Мурат Азербиев 60 кило авурлукъда гюмюш медальгъа ес болгъан. Ингдеси, ол йыракъ Бразилияда оьзю тувгъан Гюйдюрмес районлу Умар Пасхаев булан финалда ёлукъгъан ва утдургъан.
Мурат Азербиев – бугюн айтылгъан кикбоксёр. Ол 2010-нчу йылда Австрияда оьтгерилген дюнья чемпионатда биринчи ерни алып къайтгъаны эсибизде. Тай боксдан ол оьрюм яшланы арасында Таиландда оьтгерилген чемпионатда уьчюнчю савгъатны да къазанма болгъан.
Хасавюрт райондагъы «Ботаюртовская» (директору Абакар Абуков) деген спорт школадан алдын, Россияны чемпиону, дюнья чемпионатларында экинчи, уьчюнчю ерлени къазангъан Надир Гьажиев (тренери Алибий Казиев) 91 килодан оьрдеги категорияда уьчюнчю ерни алгъан.
Гетген йыл Санкт-Петербургда оьтгерилген дюнья чемпионатда къолу сынгъан кюйде рингге ябушма чыкъгъан ботаюртлу гюмюш медаль къазангъан эди. Муна бу йыл да ол башына аврув алгъан ва финалгъа чыкъма герек ёлугъувда ябушма болмагъан.
Арт-артындан эки йыл санлары авуртуп, Надирге биринчи ерни алма нечик де насип болмагъан.
Буса да, савлай дюньяны айтылгъан кикбоксёрларыны арасына эки къумукъ гиргени бизин сююндюре.
Дюньяны 48 пачалыгъындан ярышларда 413 кикбоксёр ортакъчылыкъ этген. Оланы кёплери Европаны, Американы, Азияны ва дюньны чемпионлары болгъан. Шо ярышларда Россиядан баргъан кикбоксёрлар 12 алтын, 5 гюмюш ва 14 бронза медаль къазангъан.
Инг де айтылгъан кикбоксёрланы дюнья чемпионатында эки къумукъ медаллар къазанып къайтгъан.
Гюйдюрмес районну Борагъан юртунда тувгъан, Белоруссия команда учун ябушгъан 22 йыллыкъ Мурат Азербиев 60 кило авурлукъда гюмюш медальгъа ес болгъан. Ингдеси, ол йыракъ Бразилияда оьзю тувгъан Гюйдюрмес районлу Умар Пасхаев булан финалда ёлукъгъан ва утдургъан.
Мурат Азербиев – бугюн айтылгъан кикбоксёр. Ол 2010-нчу йылда Австрияда оьтгерилген дюнья чемпионатда биринчи ерни алып къайтгъаны эсибизде. Тай боксдан ол оьрюм яшланы арасында Таиландда оьтгерилген чемпионатда уьчюнчю савгъатны да къазанма болгъан.
Хасавюрт райондагъы «Ботаюртовская» (директору Абакар Абуков) деген спорт школадан алдын, Россияны чемпиону, дюнья чемпионатларында экинчи, уьчюнчю ерлени къазангъан Надир Гьажиев (тренери Алибий Казиев) 91 килодан оьрдеги категорияда уьчюнчю ерни алгъан.
Гетген йыл Санкт-Петербургда оьтгерилген дюнья чемпионатда къолу сынгъан кюйде рингге ябушма чыкъгъан ботаюртлу гюмюш медаль къазангъан эди. Муна бу йыл да ол башына аврув алгъан ва финалгъа чыкъма герек ёлугъувда ябушма болмагъан.
Арт-артындан эки йыл санлары авуртуп, Надирге биринчи ерни алма нечик де насип болмагъан.
Буса да, савлай дюньяны айтылгъан кикбоксёрларыны арасына эки къумукъ гиргени бизин сююндюре.
