Бугюн ол Минск шагьардагъы институтда охуй. Гродно шагьардагъы «Наяр» деген спорт клубда кикбоксинг ва тай бокс булан да машгъул. Артдагъы алты йылны ичинде Мансур эки уллу ярышда савгъатлангъан.
Ол Белоруссияны уьч керен чемпиону ва бир нече уллу турнирлерде де биринчи ерни къазанма болгъан. Жыйым командасыны сыдыраларында 2007-нчи йылда Анапа шагьарда оьтгерилген Европаны чемпионатында борагъанлы улан биринчи ерни ала. Сонг ол «Кубок стран Балтии и СНГ» деген ярышларда да чемпион бола. Венгриядагъы Сегед шагьарда оьтгерилген дюньяны кубогунда да Мансур гюмюш медальгъа ес болгъан.
Мансурну агъасы Мурат да – айтылгъан кикбоксёр. Эки керен дюньяны чемпионатларында экинчи ерни къазангъан.
Измулла АДЖИЕВ.
