Оюнну башындан ахырына ерли «Анжиге» оьзюню къапусун якъламакъны гьайын этмек команданы алдына салынгъан масъаланы чинк де аслусу экени онча гёрюнмеди. Россияны чемпионатында биринчи ерде барагъан команда ахырынчы ердеги команда булан ойнай деп де айтма къыйын эди. Озокъда, оьзюню майданында, оьзюню къаравчуларыны алдында «Локомотив» топну оьзюнде кёп сакълады, чапгъынлар этди, къоркъунчлу мюгьлетлер де болду… Тек шо ахшам командаланы къаравчулары гийирилген голланы гёрмеди. Москвалыланы чапгъынларын бизин якълавчуларыбыз да, къапучубуз да барын да гери урду. «Анжини» де болду яхшы чапгъынлары, яхшы мюгьлетлери.
Футбол майданны ортасында бу оюнда «Анжини» аслу составында Александр Алиев ёкъ эди. Тренировкада алгъан травмасы Александрны дагъы да, азында, эки оюндан къуру къояжакъ. «Анжини» бу оюндагъы составында къапучу ва бары да якълавчулары яхшы футбол оюн гёрсетди, команданы баш тренери Гьажиев оюнгъа сайлагъан тактикасын тюз къайдада яшавгъа чыгъарма бажарды. 0-0 санав да – шо бажарывлукъгъа савгъат.
«Локомотивни» баш тренери Леонид Кучук,оюн битгенде берген баянлыгъында ничьягъа шат тюгюл экенин билдирди. «Анжиге» де бир-эки макътав сёз айтды.
Энни бу айны он тогъузунда Дагъыстангъа «Зенит» геле. «Анжи» «Локомотив» булан ничья этген сонг, «Зенит» биринчи ерге чыкъды. Сонгугюн ахшам он сегиз сагьатда Анжи Аренада «Анжини» «Зенит» булангъы оюну башланажакъ.
Шарабутдин Кишиев.
Футбол майданны ортасында бу оюнда «Анжини» аслу составында Александр Алиев ёкъ эди. Тренировкада алгъан травмасы Александрны дагъы да, азында, эки оюндан къуру къояжакъ. «Анжини» бу оюндагъы составында къапучу ва бары да якълавчулары яхшы футбол оюн гёрсетди, команданы баш тренери Гьажиев оюнгъа сайлагъан тактикасын тюз къайдада яшавгъа чыгъарма бажарды. 0-0 санав да – шо бажарывлукъгъа савгъат.
«Локомотивни» баш тренери Леонид Кучук,оюн битгенде берген баянлыгъында ничьягъа шат тюгюл экенин билдирди. «Анжиге» де бир-эки макътав сёз айтды.
Энни бу айны он тогъузунда Дагъыстангъа «Зенит» геле. «Анжи» «Локомотив» булан ничья этген сонг, «Зенит» биринчи ерге чыкъды. Сонгугюн ахшам он сегиз сагьатда Анжи Аренада «Анжини» «Зенит» булангъы оюну башланажакъ.
Шарабутдин Кишиев.
