Адамны къурчун къандырагъан оюнлар болмады

Ёлдашлыкъ оюнларда жаваплыкъ осал болагъаны белгили. Шо масъалагъа гьар футбол касбучу оьзтёрече къарай. Бирлери, шо оюнларда жыйым команданы тренери янгы футболистлени тергей деп, о оюнлагъа онча агьамият бермей. Башгъалары жыйым команда гьар оюнда оьзюню гючюн гёрсетме герек деген ёрукъда сёйлейлер.

Дюнья чемпионатына чыкъмаса да, Сербияны командасы артдагъы оюнланы яхшы ойнап, оьзюн гёрсетме бажарды. Бизин команда булангъы оюнну да 1:1 санавгъа ойнап, оьзюн европа оьлчевдеги команда экенин гёрсетди.

Къыбла Кореяны командасы булангъы оюнун Россияны командасы гьаракатчылыкъ гёрсетип башлады. Буса да, Кореяны чалт ойнайгъан яш командасы бизин сынавлу командадан къалышмай турду. Ахырда да бизин команда Азияны командасын 2:1 санав булан утма бажарды. Бизин команданы топларыны бирисин кёп заман гол гийирип болмай тургъан, алда «Анжиде» ойнагъан Смолов гийиргенни эсгермесе болмас.

Россияны чемпионатыны оюнлары ноябр айны 22-нде давам этиле. Чемпионат башлангъанлы бир оюнну да утмагъан «Анжи» командабыз танапусдан сонг сама утуп башлар деп умут этебиз.

Авторизация
*
*
Регистрация
*
*
*
Согласны с условиями сайта?
Генерация пароля