Осман Торски – белгили теннисист


Уллу теннисден Германияны жыйым командысында 18 йыллыкъ къумукъ улан Осман Торски (Магьамматов) етишген уьстюнлюклер булан охувчуланы таныш этме сюемен. Османны атасы Агъав Магьамматов Буйнакск шагьардан, анасы Аида таргъулу, ол СССР-ни ва Россияны тутушуп ябушувдан ат къазангъан тренери Сираждин Хангереевич Элдаровну къызы.



Осман уллу теннис булан Германияда машгъул болагъаны – сегизинчи йыл.



Бугюнге ерли Осман яшланы арасында Германияны беш керен чемпиону, Берлин шагьарны чемпионатында уьч керен уьст гелген. Бакю шагьарда оьтгерилген халкъара турнирде де биринчи савгъатны утгъан.



Чехияда ва Польшада оьтген халкъара турнирлерде къумукъ улан экинчи ерлеге ес болгъан. Артдагъы айланы ичинде Осман Мальтада оьтгерилген эки халкъара турнирде де биринчи ерни къазанма болгъан. Эки де турнирде финал ёлугъувларда ол бек къаст этип ойнагъан, усталыгъын гёрсетген ва утгъан.



Къумукъ уланны Германияны олимпия командасыны тренерлери резервине къошгъаны кёп затны англата. Шо – бизин якълы теннисист учун уллу уьстюнлюк. Айтагъаным, Осман къумукълардан уллу теннисден булай уьстюнлюклеге етишме болгъан – биринчи теннисист. Ону булан оьктем болабыз. Огъар дагъы да уллу халкъара турнирлерде ортакъчылыкъ этме насип болсун.



Авторизация
*
*
Регистрация
*
*
*
Согласны с условиями сайта?
Генерация пароля