Европаны оьлчевюнде – экинчи савгъат


Чехияны тахшагьары Прагада дзюдо ябушувдан чагъы 20 йылдан оьтмеген яшёрюмлени арасында дзюдо ябушувдан Европаны кубогуна ес болмакъ учун ярышлар оьтгерилген. Ярышларда Европаны 40 пачалыгъындан гелип 450 яш дзюдоист ортакъчылыкъ этген. Савгъатлар къазангъанланы арасында къумукъ улан да бар. Дейгеним, Мурат Чопанов 66 кило авурлукъда гюмюш медаль къазангъан.


 


Мурат дзюдо ва самбо ябушув булан Аштархан областны Актюбинск шагьарында башлагъан. Яшланы арасында Россияны чемпиону, сонг ол гетген йыл Санкт- Петербург шагьарда оьтгерилген Европа оьлчевдеги ярышларда алтын медаль къазангъан. Самбо ябушувдан яшланы арасында дюньяны чемпионатында да биринчи ерни къазангъан.



Буссагьатгъы вакътиде Мурат Иркутск шагьардагъы «Мори» деген спорт клубуна къуршалгъан. Дзюдодан булай уьстюнлюклеге етме болгъан биринчи къумукъ уланны уллу гележеги бар.Гюмюш медаль къазангъан Муратны къутлайбыз.



 

Авторизация
*
*
Регистрация
*
*
*
Согласны с условиями сайта?
Генерация пароля