Ерли гьакимлик булан бирге юрюлеген гьаракат


Дагъыстанны физкультурагъа ва спортгъа къарайгъан министерлиги бизин республиканы муниципал къурумлары булан бирче «Демография» деген милли проектине байлавлу регион чараланы яшавгъа чыгъарывгъа бакъдырылгъан гьаракатны башлажакъ. Арбагюн, август айны 8-нде, Р. Гьамзатовну атындагъы милли китапханада чакъырылып гелген муниципал къурулувланы гьакимбашлары, олайда физкультурагъа ва спортгъа къарайгъан ерли къурумларыны ёлбашчылыкъ этивю булан юрюлген генгешде шо гьакъда айтылды.   

 




ДР-ни физкультурагъа ва спортгъа къарайгъан министерлигини сиптечилиги булан юрюлген шо генгешде эсгерилген министерликни ёлбашчысыны заместители Зайнал Салавутдинов гюнлюк низамда арагъа салынып ойлашылынажакъ масъа­ланы жыйылгъанлагъа малим этди. Шону булан бирге, ол «Милли муратланы ва алгъасавлу масъа­лаланы гьисапгъа алып, Россия Федерацияны 2024-нчю йылгъа ерли оьсдюрювню гьакъындагъы» РФ-ни Президентини къарарында регионларда яшавгъа чыгъармакъ учун кёп тюрлю чаралар белгиленген.



Ону сёзлерине гёре, бизин уьлкени социал-экономика якъдан оьсдюрювге байлавлу 12 тюрлю тармакъда милли проектлер гьазирлене. «Демография» деген милли проект шоланы бириси гьисаплана. Шо проектни яшавгъа чыгъарывгъа Россияны загьмат министерлиги жаваплы болса да, шону «Спорт − норма жизни» деген бёлюгю бизин уьлкени спортгъа къарайгъан министерлигине тапшурулгъан. Шо ёрукъдагъы проектлер ерлерде де гьазир этилмеге тарыкъ. ДР-ни физкультурагъа ва спортгъа къарайгъан министерлиги шолай проектни уьстюнде иш башлагъаны гьакъда билдирди. Эсгерилген проектге гёре ишни мекенли, тийишли даражада ва сан янлы кюйде юрютмек учун жаваплы янашгъандан къайры да, ерли гьакимлик къурумлагъа да бирлешип иш гёрмеге тюше.



Генгешни барышында муниципал гьакимлик къурумланы жаваплы къуллукъчуларына оьзлер аслу тергев бермеге тарыкълы милли проектни гесимлери гьакъда англатыв берилди.



Авторизация
*
*
Регистрация
*
*
*
Согласны с условиями сайта?
Генерация пароля