Бугюнлерде «Дагъыстан» деген маълумат агентлигинде оьтгерилген прес-конференцияда жамият транспортну масалаларына байлавлу болуп ДР-ни транспорт ва ёл къурулуш министерлигини башчысыны биринчи заместители Мурат Атаев республикабызны информация масса къуралларыны къуллукъчуларына баянлыкъ берди.
– Россияны Президенти Владимир Путин эсегергени йимик 2030-нчу йылгъа ерли уьлкебизин бары да ергионларына, умуми кюйде алгъанда, жамият транспортную юрюшюн ёрукълашдырмакъ муратда 150 миллиард манат ломай харжлар йибермеге умут этиле, – деди оьзюню гиришив сёзюнде Мурат Бийсолтанович. – Белгилинген харжлагъа адамланы ташыйгъан 40 мингден де кёп автобусланы, троллейбусланы, трамвайланы, электромашинлени ва оьзгелерин алмагъа ва пайдаландырмагъа гёз алгъа тутулгъан.
Белгили болгъаны йимик, жамият транспортну юрюшюн ёрукълашдырывну программасы оьзге регионларда йимик Дагъыстанда да яшавгъа чыгъарылагъаны гьакъда айрыча эсгерилди. Оьтген йылны башындан тутуп Магьчкъалада ва ону айланасындагъы посёлокларда жамият траснспортну юрюшюнде бир къадар алмашынывлар гьис этилине. Гьар-бир онгайлыкълары булангъы 47 уллу автобуслар тахшагьарыбызны лап да аслу уьч маршурутунда юрюп де тура. Гелеген йылны янавар айыны 25-ни гюнюнден тутуп Магьачкъалада ва республикабызны оьзге шагьарларында дагъы 60 янгы автобуслар юрюмеге башлажакъ. Каспийск –Магьачкъала маршрутда бизин республикабызгъа гелеген туристлени санавун да гьисапгъа алып юрюйген автобусланы санавун толумлашдырыв да тергевсюз къалмажакъ.
Озокъда, шону булан жамит трпанспортну айланасында бизин републикабызда къаршылашагъан масалаланы толу кюйде яшавгъа чыгъармагъа бажарылмай. Дагъыстанда шагьарларыбыздан къайры 700-ден де кёп юртлар бар. Юртлу пасажирлени талаплары да тергевсюз къалмагъа ярамай.
Шо гьакъда да Мурат Атаев айрыча эсгерди. Бизин республикабызда адмаланы ташыв булан машгъул болагъан 19 къуллукълар-къурумлар иш гёре. Шоланы имканлыкъларына гёре 625 регион ва 90-гъа ювукъ регионара маршрутларда пассажирлени къуллукълары кютюле.
Прес-конференцияда пассажир транспортну маслаларына байлавлу берилген журналистлени соравларына жаваплар къайтарылды. Соравлар буса аслу гьалда адамланы ташыйгъан тарспортда этилинеген къуллукъланы сан яны булан байлавлу эди. Шону булан янаша прес-конференцияда жамият траснпорт юрюйген ёлланы ва орамланы сан янын болдурмаса яяв ва тарспорт юрюшню низамын сакъламагъа, аманлыкъны ва болма имканлы тас этивлени алдын алма четим болагъаны гьакъда да сёз юрюлдю.
Къ. Къазакъмурзаев.
