Май айны 4-де Москва областдагъы Одинцово шагьардагъы «LIVE Арена» деген спорт комплексде тутушуп ябушувдан Россияны чемпионаты оьтгерилди. Шонда Дагъыстанны жыйым командасы бек яхшы ортакъчылыкъ этди.

Дагъыстандан баргъан ва ортакъчылыкъ этген 100 спортчудан 24-вю медаллар къазанды. Шолардан 7-ю – алтын, 8-вю – гюмюш ва 9-ву бронза медаллар къазангъан. Алтын медаль къазангъанланы арасында Олимпия оюнланы чемпиону Завур Угуев де бар. Бу гезик ол  оьзюне янгы 61 кило авурлукъда ябушса да, Россияны чемпиону деген атгъа 7-нчи гезик де ес болгъан. Къаягентли къумукъ улан Ибрагьим Къадиев де алтын медаль къазангъан ва Россияны чемпиону болгъан.

Россияны чемпиону болгъанлар барысы да Парижде 26-нчы июльдан 11-нчи августу болгъанча оьтгерилежек Олимпия оюндарда ортакъчылыкъ этежеклер.

 

Бизин маълумат.