Бугюнлерде «Крокус Сити Холлда» болгъан террорчулукъ ишни нати-жасында жанлары къыйылгъанланы эсделигине багъышланып «Эсделикни терезелери» деген Бютюнроссия гьаракат оьтгерилди.
Шо гьаракатгъа бизин республиканы шагьарларында ва юртларында охув ожакълардагъы уланлар да, къызлар да къуршалды. Олар да оьрде эсгерилген вагьшиликни вакътисинде лап ювукъ ва аявлу адамларын тас этгенлер булан юрек бирлигин билдирди. Шолай, Буйнакск районну юртларында иш гёреген охув ожакъланы охувчулары оьзлер билим алагъан школаларыны терезелерин оьзлер кагъыздан этген акъ турналар булан безеген. Буйнакск районну билим берив управлениесини Telegram-каналында шо гьакъда маълумат берилген.
Шо акъ турналар бизин уьлкеде яшайгъан халкъланы бирлигини, къыйын гюнлер гелгенде олар биригип иш гёрегенини белгиси болуп токътай.
Насрулла БАЙБОЛАТОВ.
