Алдагъы гюнлерде «Локодзюдо» деген яшланы лигасы оьтгереген  Бю-тюнросссия оьлчевюнде юрюлген ярышлар тамамлангъан. Каспийскиде Али Алиевни атындагъы спортну ва яшёрюмлерини къаласында юрюлген  шо ярышларда  2011 — 2014-нчю йылларда тувгъан уланлар ва къызлар оьзлени ортакъчылыгъын болдургъан.

Дагъыстанны физкультурагъа ва спортгъа къарайгъан  министерлигинден алынгъан маълуматлар баянлыкъ береген кюйде, оьтгерилген ярышларда  бизин уьлкени 23 регионундан гелген 700 –ден  де артыкъ яш кочап ябушув халчада оьзлени оьмюр чагъына ва  авурлугъуна гёре спортну дзюдо журасындан тогъатартгъан.  Яшланы  ярышларына  гьакимлик къурумларыны ёлбашчыларыны ва жаваплы къуллукъчуларыны янындан да тийишли тергев берилген.

Шолай, ярышланы  ачылывуна багъышлангъан шатлыкълагъа  ДР-ни физ-культурагъа ва спортгъа къарайгъан министри Сажит Сажитов, «Локодзюдо» деген яшланы лигасыны президенти Мурат Хашев, Дагъыстанны дзюдогъа къарайгъан  федерациясыны ёлбашчысы Ирасхан Жаппаров  ва кёп оьзгелери яшланы къутламагъа гелген. Бизин республиканы жыйым командасына къуршалгъан  уланлар ва къызлар умуми кюйде алгъанда, 43 медальгъа лайыкълы болгъан. Ачыкълашдырып айтгъанда, олар 8 алтын,12 гюмюш ва 23 –де бронза  медаль къазангъан.

 

Насрулла БАЙБОЛАТОВ