Алдагъы гюнлерде Гьайдакъ районну Мажалис юртундагъы орта школасыны 7-нчи класында билим алагъан уланлар ва къызлар къуршалып, «Яшавдан сююнмек, не де сёнмек!» деген гьаракат оьтгерилген.
Эсгерилген охув ожакъны социальный педагогу А. Куруцова юрютген шо гьаракатны барышында наркотиклени, олай да оьзге гьакъылын тунукълашдырагъан маддаланы савлукъгъа заралы гьакъда лакъыр юрюлген. Шону булан бирге, охувчулагъа эсиртеген ичкилени ва тамакю тартывну гери урмагъа тюшегени гьакъында айтылгъан. Шолайлыкъда, оланы санлы яшав къурмагъа муштарлы этмек учун шартлар яратылгъан. Шо гьакъда Мажалис юртундагъы орта школасыны Telegram-каналында маълумат берилген.
Насрулла БАЙБОЛАТОВ.
