Алдагъы гюнлерде Комсомольск-на-Амуре деген шагьарда ябушувну грек-рим журасындан оьзлеге 23 йыл битмеген яш кочапланы арасында Россияда биринчиликни алмакъ учун юрюлген ярышлар оьтгерилген.
Шо ярышланы бары да тиретлеринден уьстюнлю кюйде оьтюп, бизин республиканы жыйым командасына къуршалгъан Даниял Агъаев алтын медаль къазангъан. Ол 67 кило авурлукъда ярышланы финал тиретинде ябушув халчада Москва шагьарны командасына къуршалып тогъатартагъан Гьажимурат Байтуллаевни енгмеге болгъан.
Дагъыстанны физкультурагъа ва спортгъа къарайгъан министерлигини прес-къуллугъу билдиреген маълуматлагъа асасланып айтгъанда, оьтгерил-ген ярышларда 120 кило авурлукъда дагъыстанлы кочап Магьаммат Аличиев гюмюш медаль алгъан. Шондан къайры да, миналы буйнакскили Динислам Бамматов 60 кило авурлукъда алтын медальгъа лайыкълы болгъан. Белгили экени йимик, ол ярышларда Санкт-Петербург шагьарны командасы учун тогъатартгъан.
Насрулла БАЙБОЛАТОВ.
