Къайгъырыш

Арабыздан бирдагъы бир абурлу алимибиз, жамият чалышывчу Камил Магьамматсалигьович Алиев о дюньягъа гёчдю.

К.М.Алиев 1947-нчи йыл Хасавюрт районну Бамматюртунда тувгъан. 1966-69-нчу йыллар Германияда асгер борчун кютген. 1974-нчю йыл Магьачкъалада ДГУ-ну филология факультетин оьр къыйматлагъа битдирген. 1977-нчи йыл Москвада М.В.Ломоносовну атындагъы университетни философия факультетин тамамлагъан, аспирантурада охугъан, философия илмуланы кандидаты деген алим атгъа ес болгъан.

Узакъ йыллар ол республика оьлчевде чыгъагъан «Ёлдаш» газетни баш редактору болуп ишлеп турду. Къумукъ илму-маданият жамиятны (КНКО) къуруп, ёлбашчылыкъ этип, «КНКО:Вести» деген бюллетенни чыгъарывда редакторлукъ этип турду. «Шаухалы Тарковские», «Кумыки в военной истории России», «Кумыкский энциклопедический словарь» деген ва кёп оьзге китапланы автору. Огъар «ДР-ни 1 класлы пачалыкъ ойчусу» деген ат берилген.

Агьлюсюне, дос-къардашына теренден къйгъырышагъаныбызны билдиребиз. Ону ярыкъ келпети бизин эсибизде даимге къалажакъ. Жаны женнетде болсун.
Аллагь рагьмат этсин!
«Ёлдаш» газетни редакциясы