Абидин Къарчыгъаев Дагъыс­тан Республиканы Башчысыны Центральный территорияда толу ихтиярлы вакили этилип белгиленген.Шогъар байлавлу Указгъа Да­гъыстан Республиканы Башчысыны борчларын заманлыкъгъа кютеген Владимир Васильев къол салгъан.

Абидин Къарчыгъаевни

гьакъында маълумат:

Абидин Гьажиевич Къарчыгъаев 1958-нчи йылны 7-нчи июнунда Магьачкъалада тувгъан, Дагъыстан пачалыкъ педагогика университетде охуп, педагогика ва психология касбугъа ес болгъан. Ондан сонг Дагъыстан пачалыкъ университетни тамамлап, «юриспруденция» касбугъа ес бола.

1980–1987-нчи йылларда – Ич ишлер министерлигинде тюрлю-тюрлю ерлерде ишлеген. Загьмат чалышывун Магьачкъала шагьарны Совет РОВД-сини дивизионуну милиционери болуп башлагъан.

1999–2005-нчи йылларда – Буйнакск районну ич ишлер бёлюгюню начальниги, 2005–2011-нчи йылларда – ДР-ни ич ишлер министрини заместители, «Дагъыстанны дазусу» деген управлениени начальниги.

2011–2013-нчю йылларда – ДР-ни МВД-сини начальнигини заместители.

2013–2016-нчы йылларда – ДР-ни МВД-сини жамият низамны сакълавгъа къарайгъан начальнигини заместители.

«Жамият низамны сакълавда айрыча гёрсетген ишлери учун» ва «Ватанны алдындагъы ишлери учун» деген медаллар булан савгъатлангъан.