Москва областны Красногорск шагьарындагъы «Крокус Сити Холл» деген центрде болгъан вагьшилик кимни де ичин-къарнын айландыра. Жинаятчылар мунда жыйылгъанланы, яш-уллу деп де къарамайлы, савут атышып, жанын къыйды.
Ала-саладан болгъан бу вагьшилик россиялыланы ва дагъыстанлыланы къазапландырды.
Шогъар байлавлу къайгъылы гьаракат Къызылюрт шагьарда да оьтгерилди. Ял алывну бавунда Уллу Ватан давдан къайтмай къалгъанланы эсделигине салынгъан мемориалны алдында шагьар администрацияны янында ва предприятиелерде, къурумларда, олай да билим берив ожакъларда къуршалгъанлар жыйылгъан эди. Къайгъылы гьаракатны гиришив сёз булан шагьар администрациясыны башчысыны борчларын заманлыкъгъа кютеген Амирхан Амирханов ачды ва шагьарлыланы атындан террорчулукъгъа къаршылыкъ билдирди. Ону якълап шагьар жыйынны председатели Насрулла Гьасанбеков ва шагьарны башчысыны биринчи заместители Малик Патагьов сёйледилер.
Алибек САЛАВАТОВ.
