Гьар йыл январ айда Москвада «Уьстюнлюкню тёрю» (Вершина успеха) деген яшланы арасында пагьмулуланы ва гьюнерлилени халкъара конкурсу оьтгериле. Бу йыл 25-нчи гезик оьтгерилегенинде, Къызылюртдагъы яшланы инчесаният школасыны «Салам» деген бийив ансамбли ортакъчылыкъ этген.

 

Артдагъы заманларда белгили болуп турагъан, Камила Гьасанова юрютеген ансамблни ортакъчылары конкурсда оьзлени инг яхшы номерлерин гёрсетген. «Киссу», «Къумукъ  бийив», «Гоор», «Язбаш», «Очарули» деген милли бийив-леринден къайры да, олар гьалиги бийивлени де гёрсетген.

Жюри яш ансамблни бийивлерине яхшы багьа берген. Конкурсда ортакъчылар учун 7 медаллар ва оьзге савгъатлар гёрсетилген болгъан. Къызылюрт шагьардан баргъан «Салам» деген ансамбль бийивлени тюрлю-тюрлю номинацияларында 7 биринчи ерни ва 1 Гран-при савгъатларын алгъан.

Биз ансамблни уьстюнлюгю булан къутлайбыз ва инчесаниятны дагъы да оьрлюклерине етишмекни ёрайбыз.

 

Г.БЕК.