Янгы охув йылгъа Дагъыстанны охувчуларына 663 минг янгы китаплар алмагъа гёз алгъа тутулгъан.
ДР-ни билим беривге ва илмугъа къарайгъан министерлиги билдиреген кюйде, талаплагъа къыйышагъан охутув китаплар 2023-нчю охув йылны алдында 20 школа учун алмагъа дыгъарлар этилген. Шондан къайры да, республиканы школаларында янгы охутув китаплар пайдаландырывгъа берилежек. Ана тил дарслардан охутув китаплар 1-6-нчы класлар учун 84, 9 миллион манатгъа ва Дагъыстан тарих, Дагъыстан география, Дагъыстан халкъланы маданияты ва адатлары учунгъу китаплар 92,3 миллион манатгъа алынажакъ. Дагъыстан школаланы 11-нчи класларыны охувчулары буса, Россияны тарихин янгы китаплардан охужакъ.
Бу йыл янгы охув йылгъа Дагъыстанда 139 школа ачылажакъ ва шоларда бугюнлерде янгы охутув алатлар булан таъмин этив ва башгъа ишлер юрюлюп тура.
Бизин уьлкени ва республиканы оьлчевюнде къабул этилген милли программалагъа гёре къурулгъан гьалиги заманны талапларына жавап берген 6582 ери булангъы 15 янгы школа ва гиччипавлар учун 13 яшлар баву бу йыл ачылмагъа герек.
