Савлай дюньяда апрель айны 12-синде белгиленген «Космонавтиканы гюнюне» багъышланып, Атланавулдагъы орта школада клас сагьатлар, охувчу яшларыны суратларыны выставкалары оьтгерилген.
Шондан къайры да, эсгерилген тармакъгъа мекенли къошум этип гелгенлени космонавтланы ва оьзге касбучуланы яшав тархларына байлавлу лакъырлашывлар юрюлген. Бизин уьлкени тарихине байлавлу охувчуланы билимлерин беклешдирмек оьтгерилген шо гьаракатны алдына салынгъан борчлардан болуп токътагъан. Охувчулар кёп сююп къуршалгъан шо гьаракатны гьакъында Атланавулдагъы орта школаны Telegram-каналында маълумат берилген.
Б. АЙБОЛАТОВ.
