Мен 1950-нчи йылдан тутуп, «Ёлдашны» кёп сююп охуйгъан охувчусуман. Газетибизни 100 йыллыкъ оьмюр чагъы ювукълаша геле. Яшав ёлу булан янаша, къыйынлыкъгъа чул бермей газетибиз алгъа абат ала, шагьра ёлун узата.
Оьмюр боюна «Ёлдаш» газет Къумукътюзню маягъы, охувчуну аркъатаяву болуп гелген. Мен 1934-нчю йылда Загьматны Къызыл Байракъ ордени булан савгъатлангъан механизатор Багьав Атаевни агьлюсюнде тувгъанман. Охуп оьр билим алып, къыйын, тек абурлу муаллим касбугъа 50 йыл амин болгъанман. Макъаламда Ботаюрт участка больницада 30 йылдан артыкъ медсестра болуп ишлейген Нажабат Алиеваны гьакъында язма сюемен.
Хасавюрт районну Ботаюртунда къумукъ, дарги, авар, орус, мычыгъыш миллетлени вакиллери татывлукъда, дослукъда яшайлар. Гьалиден 6 йыл алдын олжам Бадия Атаева, авур аврувгъа тарып, тёшек еси болуп, бек къыйналды. Шо заманларда олжама дарман булан да, татли сёз булан да аврувуна эм излей туруп, Нажабат яллыкъ билмеди. Оьмюр чагъым 80 йыл буса да, Нажабат Алиева йимик ишине гьакъ юрекден берилген адамлар магъа аз ёлукъгъан десем, ялгъан болмас. Касбусуна амин болмакъ учун берген антын 30 йыл кютеген адамгъа макътав да тийишли.
Нажабат Алиева 1964-нчю йылда Акъуша районну Усиша юртунда тувгъан. Ерли орта школаны 8 класын битдирип, Къызларда медучилищени 1983-нчю йылда тамамлап, огъар юрегине тутгъан мурадына етишме насип бола. Жагьил, ботаюртлу улан Муртуз Алиев булан къысматын даимге байлап, уьй-эшик къуруп яшай. Бу насипли агьлюде уьч авлет тува ва тарбиялана. Ат туягъын тай басар дегенлей, къызы Зайнап Алиева да анасыны касбусун танглап, больницада медсестра болуп ишлей, анасындан уьлгю ала, насигьатына тынглап, доктор касбуну яшыртгъын сырларын сезме къаст эте.
Нажабат Алиева больницаны медицина коллективинде абур-сый къазанма болгъан. Баракалла сагъа, демли къолларынг даим рагьмулу болсун деме сюемен.
Автор: Имамдин Атаев,
давну ва загьматны
ветеранларыны юрт
комитетини председатели.
Оьмюр боюна «Ёлдаш» газет Къумукътюзню маягъы, охувчуну аркъатаяву болуп гелген. Мен 1934-нчю йылда Загьматны Къызыл Байракъ ордени булан савгъатлангъан механизатор Багьав Атаевни агьлюсюнде тувгъанман. Охуп оьр билим алып, къыйын, тек абурлу муаллим касбугъа 50 йыл амин болгъанман. Макъаламда Ботаюрт участка больницада 30 йылдан артыкъ медсестра болуп ишлейген Нажабат Алиеваны гьакъында язма сюемен.
Хасавюрт районну Ботаюртунда къумукъ, дарги, авар, орус, мычыгъыш миллетлени вакиллери татывлукъда, дослукъда яшайлар. Гьалиден 6 йыл алдын олжам Бадия Атаева, авур аврувгъа тарып, тёшек еси болуп, бек къыйналды. Шо заманларда олжама дарман булан да, татли сёз булан да аврувуна эм излей туруп, Нажабат яллыкъ билмеди. Оьмюр чагъым 80 йыл буса да, Нажабат Алиева йимик ишине гьакъ юрекден берилген адамлар магъа аз ёлукъгъан десем, ялгъан болмас. Касбусуна амин болмакъ учун берген антын 30 йыл кютеген адамгъа макътав да тийишли.
Нажабат Алиева 1964-нчю йылда Акъуша районну Усиша юртунда тувгъан. Ерли орта школаны 8 класын битдирип, Къызларда медучилищени 1983-нчю йылда тамамлап, огъар юрегине тутгъан мурадына етишме насип бола. Жагьил, ботаюртлу улан Муртуз Алиев булан къысматын даимге байлап, уьй-эшик къуруп яшай. Бу насипли агьлюде уьч авлет тува ва тарбиялана. Ат туягъын тай басар дегенлей, къызы Зайнап Алиева да анасыны касбусун танглап, больницада медсестра болуп ишлей, анасындан уьлгю ала, насигьатына тынглап, доктор касбуну яшыртгъын сырларын сезме къаст эте.
Нажабат Алиева больницаны медицина коллективинде абур-сый къазанма болгъан. Баракалла сагъа, демли къолларынг даим рагьмулу болсун деме сюемен.
Автор: Имамдин Атаев,
давну ва загьматны
ветеранларыны юрт
комитетини председатели.
